ಮುಂಜಾನೆಯ ನಸುಕಿನ ಆ -
ಮುಗ್ಧ ವಾತಾವರಣವ
ನಾ ಕಾಣುವೆ ಪ್ರತಿ ಹದಿನೈದು
ದಿನಕ್ಕೊಮ್ಮೆ...!
ಆ ಚೆಲುವಿನ ವಾತಾವರಣದಲಿ
ನಾ ಮರಳುವೆ ಮನೆಯಿಂದ - ನನ್ನ ಗೂಡಿನಿಂದ??
ಎಲ್ಲೆಲ್ಲೂ ನಿಶ್ಯಬ್ಧ,
ಪ್ರಶಾಂತ ಕತ್ತಲಿನ ವಾತಾವರಣ…
ನಾ ಮಲಗುತ್ತಿದ್ದೆ ಇಷ್ಟು ದಿನ,
ಮಲಗಿ ಪಯಣಿಸುತ್ತಿದ್ದೆ
ಸವಿದು ಆ ಚೆಲುವಿನ ಮುಂಜಾನೆಯ
ವಾತಾವರಣವ...!
ಬಂದಳೊಮ್ಮೆ...ಊಹೂ...
ಪ್ರತ್ಯಕ್ಷಳಾದಳು ಎಂದರೆ ತಪ್ಪಾಗಲಾರದು -
ಸುಂದರ ತರುಣಿ, ಲಲನೆ, ನೀರೆ
ಆಕೆಯ ಬಣ್ಣಿಸಲು ಪದಗೊಂಚಗಳೇ ಸಾಲದು!
ಯಾರಾ ಚೆಲುವೆ? ನಾ ತಿಳಿಯೆ...
ಕೆಡಸಿದಳಾ ಮುಗ್ಧ ವಾತಾವರಣವ,
"ಕದ್ದಳು" ನನ್ನ ಆ ಸುಖ ನಿದ್ರೆಯ;
ಆಕೆಯ ಚೆಲುವಿನ ನಯನ ಕಂಡ
ನನ್ನೀ ಮನ,
ಹಾಡಿದೆ ಒಲವಿನ ಗಾಯನ…
ಆ ಚೆಲುವಿನೊಳಗೊಂದು ಚೆಲುವೆಯ -
ಮುಗುಳ್ನಗು ಕಂಡು.
ಹಪಮ
No comments:
Post a Comment