ಜೀವನ - "ನಾ ಕಂಡ ಹಾಗೆ" ೨೫/೧೧/೧೯೯೯

ಸಾಗರ ಮಹಾಸಾಗರ

ಸುಖ - ದುಃಖ, ನೋವು - ನಲಿವಿನ

ಈ ಜೀವನದಿ ಎಂಬ ಸಾಗರದ

"ಆಳವ" - ನಾ ಅರಿಯೆ!

ನಾವು ತೇಲುವೆವು ಇದರಲಿ -

ದೇಹದಲಿ ಪ್ರಾಣವಿರುವವರೆಗೂ

                 ಉಸಿರಿರುವವರೆಗೂ;

ನಮ್ಮೊಡನೆ ಪ್ರತಿನಿತ್ಯ ತೇಲುವವರೆಷ್ಟೋ

ನೋವು - ನಲಿವಿನ "ಹಡಗಿನಲಿ" - ಕಷ್ಟಗಳ "ಗುಡುಗಿನಲಿ"

ಈ ಸಾಗರದಲಿ ಮೂರು ಮುಖ್ಯ

                 ಮೀನುಗಳು...?

ಹಣ-ಹೆಂಡ-ಹೆಣ್ಣು,

ಇವ ಪಡೆಯಲು ಮಾನವ

ಕಾಣುವ ನೂರಾರು ಕನಸುಗಳು?

ಇವುಗಳಿಂದ ದೇಹ - ಮನಸುಗಳಿಗಾಗುವುದು

ಭಾರಿ ಹುಣ್ಣು...!!!

ಏಕೆ ಬೇಕು ಇವು - ನಾ ಅರಿಯೆ?

ಇವಿಲ್ಲದೆ ಬಾಳಲಾಗದೆ ನಾವು - ನಾ ಅರಿಯೆ...???

ನಾ ಅರಿಯೆ....

ಹಪಮ